UFAULU NI CHACHU YA MAFANIKIO KINONDONI

Tarehe iliyowekwa: February 23rd, 2024

•4B/- Kutatua Changamoto za Elimu

•998M/- Kugharamia Madawati

•604M/- Kulipa Madeni

Mkurugenzi wa Manispaa ya Kinondoni, Bi Hanifa Suleiman Hamza, amesema hali ya ufaulu ni chachu katika maendeleo ya Manispaa hiyo.

Bi. Hanifa aliyasema hayo Februari 23, 2024 katika hafla ya kuwapongeza Walimu wa Shule za Msingi kufuatia  mafanikio ya ufaulu wa asilimia 98.8 jambo ambalo linaonyesha kupanda kwa kiwango cha ufaulu katika Manispaa ya Kinondoni.

Akihutubia katika hafla hiyo Mkurugenzi Hanifa aliipongeza Divisheni ya Elimu Msingi  pamoja na walimu wote kwa jitihada na ufanisi mzuri walionyesha na kuongeza kiwango cha ufaulu kutoka asilimia 98.5% mpaka asilimia 98.8% katika Manispa ya Kinondoni'

Alisema, "Hakuna kitu kigumu kama kuongoza, mimi nimefurahiswa sana na matokeo haya."

Mkuregenzi Hanifa aliongeza kuwa, "Halmashauri imejipanga kikamilifu katika kuendelea kuboresha sekta ya Elimu na kuendelea kutatua changamoto mbalimbali zinazoikabili Divisheni ya Elimu Msingi."