Matukio ya Utalii

Halmashauri ya Manispaa ya Kinondoni itakuwa na tamasha la kitalii tarehe 16 Oktoba, 2021 litakalojulikana kwa jina la Dar Sunset Carnival katika fukwe za Oysterbay katika pwani ya bahari ya Hindi ambapo wakazi wa jijini Dar es Salaam na wageni mbalimbali watapata fursa ya kushiriki katika shughuli tofauti tofauti za kitalii zikiwemo tamasha la utamaduni, maonyesho ya vyakula vya asili kutoka kwa wafanyabiashara, michezo ya ufukweni, riadha, michezo ya watoto na burudani mbalimbali.

Wakazi wa Jiji la Dar es Salaam, viongozi mbalimbali wa Serikali na wageni waalikwa watapata fursa ya kushiriki katika maandalizi ya tamasha la Dar Sunset Carnival kwa kufanya usafi wa pamoja katika eneo la Oysterbay (Coco beach) siku ya Jumamosi ya tarehe 25 Septemba, 2021.

Halmashauri ya Manispaa ya Kinondoni imejizatiti kuboresha maeneo yake yote ya fukwe kuanzia Kunduchi, Kawe, Mbezi beach, Coco beach na Ununio ili yaweze kuwa vivutio vya utalii nchini kwa lengo la kuongeza mapato yatokanayo na sekta ya utalii kwa Manispaa na Serikali kwa ujumla.