TUNZENI HISTORIA YA WAPIGANIA UHURU - MSIGWA

Tarehe iliyowekwa: November 23rd, 2023

Katibu Mkuu Wizara ya Utamaduni, Sanaa na Michezo, Mheshimiwa Gerson Msigwa, ameagiza kutunzwa kwa kumbukumbu za wapigania Uhuru yakiwemo makaburi yao.

Akiwa katika makabauri ya Kinondoni leo Novemba 23, 2023 ambako ametembelea makaburi 22 Katia ya 23 ya wapigania uhuru wa vyama vya PAC na ANC vya Afrika ya Kusini, alisema kuwa, "ni muhimu kutunza makaburi hayo ili kuthibitisha kwa kizazi kijacho kuwa Tanzania ilikuwa mstari wa mbele katika kupigania Uhuru wa Afrika".

Ameagiza kuwa, "Kituo cha Urithi na Ukombozi mshirikiane na Manispaa ya Kinondoni katika kuyatunza makaburi haya. Pia tafuteni makaburi mengine ya wapigania uhuru yaliyopo sehemu nyingine nchini ili yatambulike kwa lengo la kutunza historia na kumbukumbu ya mchango wa taifa hili katika ukombozi wa Afrika."