MAFUNZO YA Nest MOBILE APP YATOLEWA KINONDONI

Tarehe iliyowekwa: August 2nd, 2024

Watumishi Halmashauri ya Manispaa ya Kinondoni wapatiwa mafunzo ya Manunuzi kwa Umma (Nest)  namna ya  kutumia Simu Janja (Nest Mobile App) katika Manunuzi. Mafunzo hayo yaliyoendeshwa na Manispaa ya Kinondoni Agosti 01, 2024 kupitia Idara ya Manunuzi na Ugavi katika Ukumbi wa Shule ya Sekondari Turiani yalilenga kuwajengea uwezo Walimu na Maafisa Afya Ili waweze kufanya Manunuzi ya vifaa vya mbalimbali kwa urahisi na uharaka zaidi kwa kutumia Simu Janja.

Afisa Ugavi, Bw. John Shimende, alisema, “Mafunzo haya yataokoa mzunguko mrefu uliokuwepo kabla, pia hakutakuwepo na kesi za upotevu wa nyaraka kwasababu kila kitu kitafanyika kupitia simu Janja.” Kwa upande wake Mwalimu Mkuu wa Shule ya Sekondari Mbwe Tumain Girls, Mwl. Stellah Valentine alisema kuwa, mfumo huo wa Manunuzi kupitia simu Janja utakuwa msaada mkubwa hususani kwenye urahisi wa upatikanaji wa vifaa na muda. “Mfumo huu utatupatia wasaa wa kutimiza majukumu yetu mama, kwasababu kabla ya mfumo huu kulikuwa na mzunguko mrefu uliokuwa unatumalizia muda” alisema Mwl. Stellah.