Kata ya Msasani kwa asili ya jina lake inasadikiwa kuwa ni kutokana na mtu maarufu aliyeishi maeneo hayo kipindi hicho aitwaye Mussa Hassan, na kutokana na wenyeji wa eneo (Wamakonde), kushindwa kutamka kwa usahihi jina hilo na mwisho kutamka Msasani.
IDADI YA MITAA ILIYOPO KWENYE KATA
Kata ya Msasani ina mitaa Mitano kama ifuatavyo:-
1. Mtaa wa Oysterbay
2. Mtaa wa Masaki
3. Mtaa wa Bonde la Mpunga
4. Mtaa wa Makangira
5. Mtaa wa Mikoroshoni
Diwani wa Kata ni Mheshimiwa Luca H. Neghesti.
HALI YA ELIMU KATIKA KATA
SHULE ZA MSINGI ZA SERIKALI
Kata ya Msasani inazo shule za Msingi za Serikali tano ambazo ni
• Shule ya Msingi Msasani A
• Shule ya Msingi Msasani B
• Shule yaMsingi Mbuyuni
• Shule ya Msingi Bongoyo
• Shule ya Msingi Oysterbay
Shule zote hizi zina miundo ya maji safi na umeme. Shule ya Msingi Oysterbay imepandishwa daraja na kuwa shule ya "English Medium". Aidha kuna vitengo vya kuhudumia watoto wenye mahitaji maalumu (Disabilities), katika shule ya Msingi Msasani A na Mbuyuni.
SHULE ZA MSINGI ZA BINAFSI
Kata ya Msasani inazo pia shule za msingi za binafsi ambazo ni:-
• Shule ya Msingi ya Drive Inn Msasani Islamic
• Shule ya Msingi ya Penisula Good Sanitarian.
SHULE YA SEKONDARI YA SERIKALI
Kata ya Msasani inayo shule moja ya sekondari ambayo ni ya Serikali iitwayo Oysterbay Secondary School.
SHULE ZA SEKONDARI ZA BINAFSI
Kata ya Msasani inazo pia Shule za Sekondari za Binafsi tano kama zifuatazo;-
• Sekondari ya Tanganyika International
• Sekondari ya Dar es Salaam School
• Sekondari ya Good Sanitarian.
• Sekondari ya Islamic
• Sekondari ya Siera.
HALI YA AFYA
Hali ya Afya katika Kata ya Msasani ni ya kuridhisha kwani inayo hazina ya kutosha ya hospitali, vituo vya afya pamoja na Zahanati za binafsi japo kuwa hakuna Zahanati ya Kata ya Serikali. Kata hii inayo hazina ya hospitali za binafsi kama ifuatavyo:-
HOSPITALI ZA BINAFSI ZILIZOPO KATA YA MSASANI
• Hospitali ya Msasani Penisula
• Hospitaliya London
• Hospitali ya Santas
• Hospitali ya Oysterbay
• Hospitali Sali International
VITUO BINAFSI VYA AFYA VILIVYOPO KATA YA MSASANI
• Kituo cha Afya cha ABC Dental Centre.
• Kituo cha Afya cha Aghakan Medical Centre.
• Kituo cha Afya cha ST lAURENT Diabetic Centre.
ZAHANATI BINAFSI ZILIZOPO KATA YA MSASANI
• Kidney Care
• TPM Dispensary
• Bonde la Mpunga Dispensary
• New Msasani Dispensary
• Oyster bay Dispensary.
• Sanitarian Dispensary
• St. Benedict Dispensary
• New Vision Eye Clinic
• Divine Grace Dental Clinic
• Letus Physiotherapy Clinic
• Dental Studio Clinic
• Premier Care Clinic
• Elite Dental Clinic.
HALI YA MIUNDOMBINU YA BARABARA
Asilimia 90%ya Barabara Katika Kata hii zimejengwa kwa kiwango cha lami, asilimia 10% ni barabara za udongo.
USAFI WA MAZINGIRA
Usafi wa mazingira wa Kata hii ni wa kuridhisha kwani kila Mtaa una Wakandarasi wa usafi wanaozoa taka kwa wakati na hutumia mashine za kielektroniki.
MAHUSIANO NA WADAU
Mahusiano ya wadau wa maendeleo na uongozi wa Kata na Mitaa ni mzuri, kwani wako mstari wa mbele kuchangia shughuli za kijamii na miradi ya maendeleo.
MRADI WA KUJIVUNIA
Mradi wa Kujivunia katika Kata ya Msasani ni ujenzi wa mfereji mkubwa wa maji ya mvua kutoka Mayfair hadi baharini ambao unasaidia kuondoa kero ya mafuriko katika Kata ya Msasani.
MIPANGOMIJI
Kata ya Msasani eneo lake kubwa limepimwa na sehemu ndogo ya makazi holela ambako hakujapimwa hivyo kupelekea watu kupima wenyewe kunakoleteleza changamoto ya miundombinu ya barabara za Mitaa.
