Nawezaje kupata Kadi ya Matibabu (TIKA)

ZIJUE TARATIBU ZA KUPATA TIKA (TIBA KWA KADI)

Halmashauri ya Manispaa ya Kinondoni imezindua rasmi mpango wa huduma ya tiba kwa Kadi (TIKA) tarehe 25/07/2016. Mpango huo utatumia kadi maalumu ambayo itagharimu Tsh 40,000/=tu kwa mwaka na kukuwezesha kutibiwa mwaka mzima bila malipo ya ziada. Malipo yatafanyika ofisi ya Mganga Mkuu wa Manispaa kitengo cha fedha.

Mpango huu wa TIKA hufaidisha  wanachama wasio na uwezo  kupata  huduma  za  afya zenye gharama kubwa  ingawa  wamelipa kidogo. Makundi  mengine yatakayofaidika na mpango wa TIKA ni pamoja na wazee wasio na uwezo watoto  yatima na walemavu ambao watalipiwa gharama ya kadi  na Halmashauri  pamoja na wadau wengine watakaojitokeza.

TARATIBU ZA KUPATA TIBA KWA KADI (TIKA)

Mtu yeyote mkazi wa Kinondoni anahaki ya kupata Kadi.

1.    Atatakiwa kuonyesha hitaji la kadi hiyo.

2.    Atapewa fomu ya Kujaza, Fomu hiyo inavitu vifuatavyo:-

i.    Maelezo kamili ya Muombaji

ii.    Maelezo ya Usajili

iii.    Uthibitisho wa Msajili.

3.    Baada ya kupata fomu na kujaza, muhusika atapatiwa Invoice kwa ajili ya Malipo.

4.    Malipo yote yanafanyika katika bank ya CRDB kwa Akaunti namba iliyoko kwenye Invoice.

5.    Muhusika atatakiwa kupiga picha katika ofisi ya Mganga Mkuu (Picha hizo ni bure)

6.    Atapewa tarehe ya kuchukua Kitambulisho.

NB: Kadi hii  ya TIKA huitajika kuhuishwa kila mwaka. Malipo hayo  ya Tsh 40,000/= hutumika kwa mwaka mmoja.