HOSPITALI YA WILAYA YA MABWEPANDE

Start Date: 2014-07-01

End Date: 2021-11-30

Halmashauri ya Manispaa ya Kinondoni katika kuboresha miundombinu ya sekta ya Afya inatekeleza mradi wa ujenzi wa Hospitali ya Wilaya iliyopo katika Kata ya Mabwepande kwa gharama ya shilingi za Kitanzania bilioni 2.5 fedha kupitia mapato yake ya ndani hadi kukamilika kwake.

Mradi huu wa ujenzi wa Hospitali ya Wilaya ulianza mwaka 2014 na umekuwa ukitekelezwa kwa awamu kulingana na upatikanaji wa fedha.

Kukamilika kwa mradi huu kutasogeza huduma kwa wananchi wa maeneo ya Bunju, Mabwepande, Tegeta, Boko, Mbweni, Kawe, Kunduchi, Madale, Goba na maeneo ya jirani kuwa na uhakika wa huduma bora za Afya.

Aidha hadi kufikia Novemba, 2021 yamekwisha jengwa majengo sita ambayo ni:-

1. Jengo la Wagonjwa wa ndani (IPD)
2. Jengo la Maabara
3. Jengo la Mionzi (Radiology)
4. Jengo la Phamasi
5. Jengo la kuhifadhi maiti (Mortuary)
6. Jengo la Wodi ya Wazazi (Maternity Block)

Mradi huu utasaidia upatikanaji wa :-

1. Huduma zote za wagonjwa wa kutwa (OPD) na wa kulazwa (IPD).
2. Kuhudumia wagonjwa wa kutwa/OPD kati ya 400 – 700 kwa siku.
3. Vitanda vya kulaza (IPD) vipatavyo 186 hadi 224.
4. Vyumba vya upasuaji, Maabara, Vyumba vya vipimo kama X- Ray ,CT – Scan, Utra Sound, ECG n.k
5. Eneo la kisasa la huduma za dharura.
6. Eneo la fiziotherapia.
7. Eneo la huduma za kinywa, Meno, Sikio, Koo na Macho.
8. Eneo la kuhifadhi dawa (Main pharmacy na sehemu ya kutolea dawa kwa wagonjwa (Dispensing area).
9. Eneo la kuhifadhia maiti.