Halmashauri ya Manispaa ya Kinondoni ni moja kati ya Halmashauri tano (5) zinazounda Mkoa wa Dar es Salaam. Zingine ni Halmashauri ya Manispaa ya Temeke, Ubungo, Kigamboni na Halmashauri ya Jiji la Dar es Salaam.
Halmashauri ya Manispaa ya Kinondoni ilianzishwa kwa Sheria ya Serikali (Mamlaka za Miji) sura ya 288 kupitia Tangazo la Serikali (Government Notice No. 4) ya mwaka 2000 na Ofisi ya Rais, Tawala za Mikoa na Serikali za Mitaa kama chombo huru, hivyo kuipa mamlaka ya kuongeza ubora wa utoaji huduma kwa wananchi wake.
