Kamati ya Kudhibiti UKIMWI Halmashauri ya Kinondoni imeundwa na baadhi ya Madiwani pamoja na Wajumbe wengine kutoka Mashirika yasiyo ya Kiserikali.
Kamati hii inafanya vikao vyake mara moja kila baada ya miezi mitatu (kila robo) na Kisheria Mwenyekiti wa Kamati hii ni Naibu Meya wa Halmashauri Mhe. Michael Urio na Mganga Mkuu wa Halmashauri.
Kamati ya Kudhibiti UKIMWI inashughulika na kuweka Mipango na Mikakati mbalimbali ya kudhibiti UKIMWI katika Halmashauri.
Majukumu makuu ya Kamati ya Mpango wa Kudhibiti UKIMWI ni pamoja na:-
Kushirikisha wadau tofauti katika maeneo husika ili kuongeza uchangiaji wa mawazo na vyanzo, usimamizi, uratibu na utekelezaji wa kazi za Tume ya Kudhibiti UKIMWI.
Kusimamia uundwaji wa Kamati zote za Kudhibiti UKIMWI.
Kupendekeza na kutambua hali ya UKIMWI/ Mipango na utekelezaji wake na kufikisha katika ngazi husika kwa hatua zaidi.
Kutathmini hali ya UKIMWI katika eneo husika kuhusu:-
Kutoa Idadi ya wagonjwa, yatima na wajane
Kuzuia Kasi ya maambukizi
Kuainisha Mazingira maalum yanayochangia maambukizi.
Kutoa Uelewa wa wananchi juu ya janga la UKIMWI.
Kuweka mikakati madhubuti ya kuhakikisha kila motto aliye na umri wa kuandikishwa shule anafanya hivyo.
Kuweka mikakati ya makusudi juu ya njia bora za kuchangia baadhi ya huduma za Elimu na Afya.
Kubuni na kupendekeza njia bora ya kuzuia na kudhibiti magonjwa ya mlipuko.
Serikali haitatoa fedha kwa Halmashauri isiyokuwa na mipango madhubuti ya kudhibiti UKIMWI.
