Kawe

HISTORIA FUPI:

Mji wa Kawe ulianza tangu miaka ya 1908. Kipindi hicho mji ulikuwa hapo lilipo eneo la Makaburi ya Mzimuni (Mwai Kibaki road). Asili ya jina la Kawe lilitokana na mwanamke mmoja aliyeishi maeneo hayo aliyeitwa  Bi. Mwakawi. Bi. Mwakawi alipokufa alizikwa katika makaburi ya Mzimuni ambapo mbuyu mkubwa ulioota juu ya kaburi lake hivyo kufanya watu wengi kupatumia kama eneo la matambiko, na inadaiwa kuwa waombaji walikuwa wakijibiwa maombi yao. Ikumbuke kwamba eneo hilo pia kulikuwa na Msikiti ambao ulizama ukiwa na waumini ndani yake.

Kufikia miaka ya 1960 baada ya kuanzishwa kwa kiwanda cha Tanganyika Packers palikuwa na njia ya kuleta ng'ombe kiwandani yaani (COW ways), wazungu waliita "cow ways"  wakimaanisha njia ya ng'ombe, wazawa wakashindwa kutamka neno hilo na badala yake kutamka KAWE.

Vitongoji vilivyokuwa vinapakana na Kawe kwa kipindi hicho ni pamoja na Kwa Mussa Hassan ambako ni Msasani, Maiko Chain ambako sasa ni Mikocheni. Umbwelani ambako sasa ni pahala ilipo hosteli ya JWTZ, pia kwa Wakwama ambako sasa ni Ukwamani na upande wa Kaskazini walipakana na mashamba ya mkonge ya Asamali ambako sasa ni Mbezi Beach.

 JIOGRAFIA YA KATA

Kawe ni Miongoni ya kata ishirini (20) zinazopatikana katika Halmashauri ya Manispaa ya Kinondoni mkoa wa Dar es salaam yenye Postikodi namba 14121 pia kata hii imepakana na kata jirani kata hizo ni Mikocheni, Msasani, Makongo juu, Mbezi juu na Kunduchi.

 IDADI YA WAKAZI KATA

 Katika sensa ya Mwaka 2022 Wakazi Waliohesabiwa ni 67,675 kati ya hao Wanaume ni 32,154 na Wanawake ni 35,521.

 IDADI YA MITAA KATA

 Kata ya kawe inayo Mitaa minne (4) kama ifuatavyo:-

1. Mtaa wa Mzimuni

 2. Mtaa wa Mbezi Beach A.

 3. Mtaa wa Mbezi Beach B.

 4. Mtaa wa Ukwamani.

 UKUBWA WA KATA (KM ZA MRABA) Kata ya Kawe ina ukubwa wa kilometa za mraba (km ) Kumi na Tano (15).

HALI YA ELIMU KATA YA KAWE.

 Hali ya Elimu katika kata ni ya Kuridhisha hasa Elimu ya AwalI Msingi na Sekondari. Zote zinayo Miundo Mbinu Muhimu inayohitajika kama vile Umeme, Maji na Mazingira tulivu. Orodha ya Shule ni kama ifuatavyo:

SHULE ZA AWALI BINAFSI

SHULE ZA MSINGI SERIKALI.

SHULE ZA MSINGI BINAFSI.

SHULE ZA SEKONDARI SERIKALI.

SHULE ZA SEKONDARI BINAFSI.

HALI YA AFYA KATIKA KATA

Hali ya Afya katika kata ya Kawe ni ya kuridhisha kwani ina Hospitali, Vituo vya Afya na Zahanati za serikali na binafsi.

HOSPITALI ZA SERIKALI KATIKA KATA

1. Hospitali ya Jeshi ya Lugalo.

 HOSPITALI ZA BINAFSI KATIKA KATA YA KAWE

 1. Hospitali ya IMTU

2. MDM Mult specialized Hospital.

 VITUO VYA AFYA VYA SERIKALI KATA YA KAWE

• Kituo cha Afya Kata ya Kawe, Kituo hiKi kina jumla ya wauguzi Kumi na Tano (15) kati ya hao wanaume ni watano (5) na wanawake kumi (10).
•  ZAHANATI ZA SERIKALI ZILIZOPO KATA YA KAWE
•  1 Zahanati ya JKT
•  
•  ZAHANATI ZA BINAFSI ZILIZOPO KATA YA KAWE
•  1. Antonio Verna
•  2. St. Brendani
•  3. St. Ndahani
•  4. Kasambo Polyclinic
•  5. Jeryatrice Health Education.Zahanati hii ina jumla ya wauguzi wanne (4) kati ya hao me-1 na ke-3 6. Smile Dental Care 7. St. Lawrence diabetic clinic.
•  HALI YA MIUNDOMBINU KATIKA KATA
•  Kata ya Kawe imepitiwa na barabara kuu tatu (5) ambazo ni
•  1 Barabara ya Bagamoyo
• 2. Barabara ya Kawe
•  3. Barabara ya Mwai kibaki
•  4. Barabara ya whitesand
• 5. Barabara ya Ally Sykes
• Kata ya kawe ina barabara za lami sita (6) ambazo ni,
• 1. Barabara ya Bagamoyo –km 3
• 2. Barabara ya Kawe-m 900
• 2. Barabara ya Kawe-m 900
• 3. Barabara ya Mwai kibaki-km 2
• 4. Barabara ya whitesand-m 800
• 5. Barabara ya Ally Sykes-m 700
• 6. Barabara ya Jk-m 400
• Kata ya kawe ina jumla ya barabara za mitaa 414
•   VIVUTIO VYA UTALII VILIVYOPO KATIKA KATA

 Kivutio kikuu kilichopo katika Kata ya Kawe ni Bahari

 MIRADI YA MAENDELEO ILIYOPO KATIKA KATA

 MIRADI YA MAENDELEO INAYOENDELEA

 1. Mradi wa Kituo cha Afya Kawe 

 2. Mradi wa kutandika mabomba ya maji taka CEBG 

3. Mradi wa barabara ya sokoni kwa kiwango cha lami 

1. Madarasa shule ya sekondari Kawe Ukwamani. 

2. Ujenzi wa shule ya sekondari Daniel Chongolo 

3. Ujenzi wa madarasa Saba (7) shule ya msingi Tumaini

4. Ujenzi wa choo shule ya msingi Ukwamani 

5. Ukarabati wa choo soko la Kawe

6. Ukarabati wa Machinjio Soko la Kawe

7. Ukarabati wa madarasa kumi na Nne (14) shule ya msingi Mirambo 

 BIASHARA NA UWEKEZAJI KATIKA KATA

 Kata ya kawe ina soko kuu moja, stendi moja na viwanda vidogovidogo 21.

 HALI YA ULINZI NA USALAMA KATIKA KATA

Kata ya kawe ina kituo cha polisi kimoja ambacho kinashirikiana na vikundi vya ulinzi shirikishi vilivyopo katika kila mtaa.

 IDADI YA MAAFISA NGAZI YA KATA 

Kata ya Kawe Ina jumla ya Maafisa sita (6).

HALI YA MIUNDOMBINU YA BARABARA NA MIFEREJI:

Kata ya Kawe ina barabara 4 za kiwango cha lami ambazo ni Mwai Kibaki, Old Bagamoyo, Whitesands  na barabara ya JK.

1. Barabara ya Mwai Kibaki kuanzia daraja la Mlalakuwa hadi Africana makutano ya barabara ya Bagamoyo.
2. Barabara ya Kawe inayoanzia round-about ya Kawe hadi njia panda ya Kawe makutano ya barabara ya Bagamoyo.

Barabara hizi zina mifereji inayotunzwa na Manispaa ya Kinondoni pamoja na TANROADS. Kadhalika Kata ya Kawe inazo barabara za vumbi za  Mitaa ambazo zipo chini ya Manispaa.

HALI YA USAFI WA MAZINGIRA KATIKA KATA:

Hali ya usafi wa mazingira katika Kata ya Kawe kwenye makazi ya watu, taasisi binafsi na za serikali inaridhisha. Mitaa yote inayo Wakandarasi wa ukusanyaji na uzoaji wa taka ngumu na malipo ya ushuru wa takataka ni kwa kutumia vifaa vya kielektroniki.

HALI YA MAHUSIANO YAWADAU MBALIMBALI:

Mahusiano na ushirikiano katika Kata kati ya Mamlaka ya Serikali na wakazi ni mazuri, hali ambayo inarahisisha shughuli za kiserikali kama vile usafi wa wiki, katika Kata na mambo mengine.

HALI YA MAENDELEO YA WATU NA MAKAZI:

Kata ya Kawe yapo maeneo ambayo ni makazi holela kwa mtaa wa Mzimuni na Ukwamani. Pia yapo  baadhi ya maeneo ni ya kupimwa ambayo ni ya mtaa wa Mbezi Beach A na Mbezi Beach B na yapo maeneo ambayo hayajapimwa.