Kata ya Kinondoni ni miongoni mwa Kata 20 zilizomo ndani ya Manispaa ya Kinondoni.
Kata ya Kinondoni ilianzishwa mwaka 2000 baada ya Kata Hananasif kugawanywa. Asili ya jina la Kinondoni linatokana na jina la mtu mmoja miaka ya nyuma ambaye alikuwa akiitwa KILONDONI mwenye asili ya kabila la Wanyamwezi ambaye alikuwa ni mkulima wa mpunga katika mashamba eneo la Biafra ambapo ndipo kulikuwa na majaruba ya mpunga.
Kutokana na umaarufu wa Bwana KILONDONI watu wakawa wamasema tunaenda kwa bwana KILONDONI ndipo likazalliwa jina la Kionondoni sababu watu wengi walikuwa wanashindwa kutamka KILONDONI wakawa wanatamka KINONDONI, hivyo kupekelekea jina la KINONDONI kuzaliwa.
IDADI YA MITAA:
Kata ya Kinondoni ina jumla ya mitaa minne (4) ya Kiserikali ambayo ni: -
Mtaa wa Kumbukumbu
Mtaa wa Kinondoni shamba
Mtaa wa Kinondoni Mjini
Mtaa wa Ada Estate
HALI YA ELIMU KATIKA KATA:
Hali ya elimu katika Kata ni ya kuridhisha, hasa elimu ya msingi, sekondari, vituo vya kulea watoto wadogo pamoja na uwepo wa Chuo cha Elimu ya Juu.
SHULE YA AWALI YA NA MSINGI YA SERIKALI:
Kata ya Kinondoni ina shule moja ya awali na msingi ya serikali ijulikano kwa jina la shule ya msingi Kumbukumbu.
SHULE ZA AWALI YA NA MSINGI YA SERIKALI:
Kata ya Kinondoni ina shule mbili (02) za awali na msingi ya serikali kama ifuatavyo: -
Shule ya awali na msingi ya Sunray
Shule ya awali na msingi ya Mtambani Islamic
SHULE ZA SEKONDARI:
Kata ya Kinondoni ina shule tatu (03) za sekondari za binafsi na shule moja ya serikali.
CHUO CHA ELIMU YA JUU:
Kata ya Kinondoni ina Chuo kimoja cha Elimu ya Juu kijulikanacho kwa jina la Chuo Kikuu Huria.
HALI YA AFYA:
Hali ya Afya katika Kata ya Kinondoni ni ya wastani kwani ina jumla ya Hospitali na Vituo vya Afya vya binafsi
HOSPITALI ZA BINAFSI ZILIZOPO KATA YA KINONDONI:
Kata ya Kinondoni ina jumla ya Hospitali sita (06) za binafsi kama ifuatavyo: -
Hospitali ya Dr. Agawal
Hospitali ya Furaha
Hospitali ya Tanzania Nordic
Hospitali ya Saifee
Hospitali ya Nordic
Hospitali ya Mount Ukombozi
ZAHANATI ZA BINAFSI ZILIZOPO KATA YA KINONDONI:
Kata ya Kinondoni ina jumla ya Zahanati tatu (03) za binafsi kama ifuatavyo: -
Zahanati ya MICO MARS
Zahanati ya MICO MWEMBENI
Zahanati ya MICO MKWAJUNI
HALI YA MIUNDOMBINU YA BARABARA:
Hali ya miundombinu ya barabara katika Kata ya Kinondoni inaridhisha.
MAHUSIANO NA WADAU WA MAENDELEO:
Mahusiano na wadau wa maendeleo katika ngazi ya Kata ikiwemo kampuni binafsi n.k ni mazuri sana kwani wamekuwa wanasaidia sana kwenye shughuli mbalimbali za kiserikali na kijamii kwenye nyanja za maendeleo.
