Huduma za Afya, Ustawi wa Jamii na Lishe

Lengo

Kutoa huduma bora za afya, ustawi wa jamii na lishe kwa ustawi wa jamii. Majukumu ya Idara hii ni kama ifuatavyo: -

1. Kusimamia utekelezaji wa sera, sheria na taratibu za utoaji wa huduma za afya, ustawi wa jamii na lishe;
2. Kuandaa mipango na programu za muda mfupi na mrefu za sekta ya afya katika Halmashauri;
3. Kukuza ushiriki wa wadau mbalimbali katika shughuli za afya, ustawi wa jamii na lishe;
4. Kutayarisha na kuwasilisha taarifa za huduma za afya, ustawi wa jamii na lishe kwa mamlaka husika;
5. Kuandaa mikakati ya udhibiti wa magonjwa ya kuambukiza na yasiyoambukiza;
6. Kusimamia miradi ya afya, ustawi wa jamii na lishe; na
7. Kusimamia kanzidata ya masuala ya afya, ustawi wa jamii na huduma za lishe.

Idara hii itaongozwa na Mkuu ambaye pia atakuwa Mganga Mfawidhi wa Halmashauri (CMoH). 

Idara itakuwa na Sehemu tatu (3) kama ifuatavyo: -

1. Sehemu ya Huduma za Afya;
2. Sehemu ya Ustawi wa Jamii; na
3. Sehemu ya Huduma za Lishe.

Sehemu ya Huduma za Afya

Sehemu hii itafanya shughuli zifuatazo: -

1. Kuchambua, kutafsiri na kusimamia utekelezaji wa Sera, Sheria, na Taratibu za huduma za afya;
2. Kushauri kuhusu uratibu na kujenga uwezo wa huduma za afya;
3. Kuandaa mipango na programu za muda mfupi na mrefu za huduma za afya;
4. Kutoa ushauri wa kitaalamu kwa wadau kuhusu masuala ya huduma za afya; na
5. Kufanya ufuatiliaji na tathmini ya magonjwa ya mlipuko, kuzuia magonjwa yasiyoambukiza, ya kuambukiza na ibuka katika vituo vyote, jamii na sehemu za kuingilia.

Sehemu hii itaongozwa na Afisa Mfawidhi.

Sehemu ya Ustawi wa Jamii

Sehemu hii itafanya shughuli zifuatazo: -

1. Kuchambua, kutafsiri na kusimamia utekelezaji wa sera, sheria na taratibu za uboreshaji wa ustawi wa jamii;
2. Kuandaa mipango na miradi ya muda mfupi na mrefu ya Ustawi wa Jamii;
3. Kusimamia utekelezaji wa mipango na miradi ya ustawi wa jamii;
4. Kuratibu na kusimamia miradi yote inayohusu Ustawi wa Jamii; na
5. Kutayarisha taarifa zinazohusiana na ustawi wa jamii.

Sehemu hii itaongozwa na Afisa Mfawidhi.

Sehemu ya Huduma za Lishe

Sehemu hii itafanya shughuli zifuatazo: -

1. Kuchambua, kutafsiri na kusimamia utekelezaji wa sera, sheria na taratibu za uboreshaji lishe;
2. Kuandaa mipango na miradi ya muda mfupi na mrefu ya lishe;
3. Kusimamia utekelezaji wa mipango na miradi ya lishe;
4. Kuratibu na kusimamia miradi yote inayohusu lishe;
5. Kutayarisha taarifa zinazohusiana na lishe ya jamii;
6. Kuhamasisha jamii kuhusu masuala ya lishe;
7. Kufuatilia na kutathmini utoaji wa huduma za lishe katika Halmashauri;
8. Kukusanya na kuchambua taarifa za huduma za lishe; na
9. Kutoa huduma za lishe kwa watoto, watu wazima na watu wenye mahitaji maalum.

Sehemu hii itaongozwa na Afisa Mfawidhi.