Kijitonyama

HISTORIA FUPI:

Kata ya Kijitonyama ni miongoni mwa kata 20 zinazopatikana katika wilaya ya Kinondoni pia ilianzishwa rasmi mwaka 2000 ilimegwa sehemu kutoka kata ya Tandale na asili ya jina lake ni mto ambao ulikua unatumika kuoshea wanyama baada ya kuchinjwa na ulikua unazungukwa na wanyama mbalimbali hivyo ulipewa jina la KIJITO CHA WANYAMA na hatimae jina la KIJITONYAMA likazaliwa kutoka katika jina la mto.

Kata ya Kijitonyama imepakana na kata tano ambazo ni Mikocheni, Makumbusho, Makango na Tandale pamoja na Kata ya Sinza inayopatikana wilaya ya Ubungo.

Idadi ya watu.

Kata ya Kijitonyama ina jumla ya watu 39,932 kwa mjibu wa sensa ya watu na makazi ya Mwaka 2022, ambapo katika jumla hiyo Wanawake ni 20914 na Wanaume ni 19018.

Mitaa katika Kata ya Kijitonyama 

 Kata ya Kijitonyama ina jumla ya mitaa nane (8)  ambayo ni Alimaaua A,  Alimaua B, Mpakani A, Mpakanai B, Nzasa, Mwenge, Bwawani, na Kijitonyama.

Hali ya Elimu katika Kata

Kata ya Kijitonyama ina jumla ya Shule Nane (8) kati ya hizo Shule Sita (6) ni za Awali/Msingi na Mbili (2) za Sekondari pia Shule zote Nane zinamilikiwa na Serikali.

Shule za Awali/Msingi

Shule za Sekondari

Hali ya Afya katika Kata

Kata ya Kijitonyama ina Zahanati 12 ambapo kati ya hizo 3 ni za Serikali, hakuna kituo cha Afya chochote isipokuwa kuna Hospitali Mbili zote za Sekta Binafsi.

Zahanati za Serikali

-Zahanati ya Ali Maua iliyopo Mtaa wa Ali Maua

-Zahanati ya Kijitonyama iliyopo Mtaa wa Mpakani

-Zahanati ya Mwenge iliyopo Mtaa wa Mwenge

Zahanati za Sekta Binafsi

-zahanati ya Afro-China Safe iliyopo Mpakani A

-Zahanati ya Century Oral arts iliyopo Mwenge

-Zahanati ya St.Benedict Dental Clinic iliyopo Kijitonyama

-Zahanati ya MJ iliyopo Mtaa wa Ali Maua

-Zahanati ya Azec Polyclinic ilkiyopo Mtaa wa Mpakani B

-Zahanati ya St. Clara iliyopo Mtaa wa Bwawani

-Zahanati ya Royal Green Groser iliyopo Mpakani A

Hospitali za Sekta Binafsi

-Hospitali ya Mama Ngoma iliyopo Nzasa

-Hospitali ya Maria Stopes iliyopo Mwenge

Miradi ya Maendeleo

 Kata ya Kijitonyama imeendelea kutekeleza miradi mbalimbali ya maendeleo katika sekta ya Elimu Msingi, Elimu Sekondari, Afya, Kilimo, Uvuvi, Biashara na Viwanda, michezo na Miundombinu mfano Ukarabati wa vyoo vya Sinza II (Africasana) na Makumbusho stand, Ujenzi wa Kituo cha Afya Kijitonyama na Ujenzi wa jingo la Radiologia Zahanati ya Kijitonyama (Kifuma). 

Ujenzi wa Kituo cha Mabasi Mwenge (umekamilika) 

Ujenzi wa Uwanja wa Mpira wa Timu ya Kmc fc ambao upo hatua za mwisho za umalizikaji 

MIRADI YA MAENDELEO ITAKAYOTEKELEZWA KATIKA KATA KIJITONYAMA KWA MWAKA WA FEDHA 2023/2034

Hali ya Ulinzi na Usalama.

Kata ya Kijitonyama ina vituo vinne vya Polisi, ambavyo ni Kituo cha Polisi Kijitonyama (Mabatini) pamoja na vituo vidogo vya Polisi vya Mwenge, Alimaua A na Alimaua B. Pamoja na uwepo wa vituo hivyo vya Polisi lakini kila Mtaa wa Kata ya Kijitonyama una kikundi cha Ulinzi Shirikishi (sungusungu) ambavyo vinasaidia ulinzi ngazi ya Mtaa.

Biashara na Uwekezaji

Kata ya Kijitonyama ina masoko matatu rasmi ya Serikali ambayo ni Sinza 11 (Afrika Sana), Makumbusho na Mwenge ambayo yamesaidia sana kukuza ajira binafsi kwa wakazi wa Kijitonyama.

Pia ndani ya kata kuna taasisi nyingine mbalimbali binafsi zikiwemo taasisi za Fedha, Vyuo vikuu, kumbi mbalimbali za mikutano na Burudani, Makampuni Binafsi, Hotel, Bar, Guesthouses na Vituo vya Mafuta.

Idadi ya Maafisa ngazi ya  Kata

Kata ya Kijitonyoma ina jumla ya Maafisa Ugani 17, wakiwa katika mchanganuo ufuatao;

Mtendaji Kata -01

Watendaji Mitaa 08

Afisa Maendeleo ya Jamii-01

Mratibu Elimu Kata -01

Afisa Ustawi wa Jamii Kata-01

Afisa Mifugo-01

Afisa Kilimo-01

Afisa Afya Kata-02

Polisi Kata -01

Maendeleo ya Jamii

Kata ya Kijitonyama ni moja ya Kata ambayo ina wanufaika wengi wa mikopo isiyokuwa na riba inayotolewa na Serikali ambayo imegawanywa kwa awamu tofauti tofauti kama ifuatavyo;

Mwaka 2018-2019 kulikuwa na vikundi 108 na walipewa mkopo wa Tsh Mil 249/=

Mwaka 2019-2020 kulikuwa na vikundi 52 na walipewa mkopo wa Tsh 101,500,000/=

Mwaka 2020-2021 kulikuwa na vikundi 21na walipewa mkopo wa Tsh Mil 150350000/=

Vivutio vya Utalii

Kata ya Kijitonyama haina kivutio chochote cha utalii.

Hali ya Usafi katika Kata na Mitaa kwa Ujumla

Hali ya Usafi katika Kata ya Kijitonyama na Mitaa kwa ujumla ni nzuri sana kwani ushirikiano ambao Wananchi wanaupata kutoka katika kampuni iliyopewa tenda ya kuhakikisha takataka zinaondolewa ya GUSAE unaridhisha na unatija kwa msitakabali usafi wa mazingira katika Kata.

Ushirirkiano na Wadau wa Maendeleo

Kata ya Kijitonyama ina ushirikiano mzuri na wadau mbalimbali wa Maendeleo ambao wamekuwa wakitoa msaada wanapohitajika ili kuhakikisha shughuli za kimaendeleo katika hazikwami, mfano Mwaka jana Kampuni ya Halotel ilishiriki katika zoezi la usafi kwa kutoa vitendea kazi vya usafi 23/12/2023 na zoezi la usafi lilifanyika katika hali ya ufanisi mkubwa.

MAHUSIANO NA WADAU MBALIMBALI:

Wakazi wa Kijitonyama kwa ujumla wao wamekuwa wakitoa ushirikiano mkubwa katika kuchangia shughuli mbalimbali za maendeleo.

HALI YA MAENDELEO YA WATU NA MAKAZI:

Hali ya maendeleo ya watu na makazi ni nzuri, na hii imechangiwa na kuwepo na makampuni pamoja na taasisi, hali iliyoongeza mwingiliano wa watu na biashara kukua zaidi.