ZIARA YA KAMATI YA KUDHIBITI UKIMWI KINONDONI YATEMBELEA KATA YA TANDALE NA ASASI YA PHSRF

Tarehe iliyowekwa: July 27th, 2022

Kamati hiyo chini ya Mwenyekiti wake ambaye pia ni Naibu Meya wa Manispaa na Diwani wa Kata ya Bunju Mhe. Kheri Misinga imetembelea Kata ya Tandale na Shirika lisilo la Kiserekali - NGO PHSRF kwa lengo la kuangalia utekelezaji wa Afua za VVU na UKIMWI.

Mhe. Misinga amesema dhana nzima ya ziara hiyo pia ni kuweka msingi imara na mpango mkakati wa jinsi ya kushirikiana kwa pamoja na mashirika hayo yasiyo ya Kiserekali katika kuhakikisha maambukizi ya VVU yanapungua kwa kiwango kilichokusudiwa hali itakayoleta tija kwa Taifa letu.

"Kamati ya Kudhibiti Ukimwi ya Manispaa hatukubaliani kabisa na uwepo wa maeneo hatarishi ikiwemo biashara isiyo halali na nina shauri Kamati husika zichukue hatua, lakini pia nipongeze sana Shirika la PHSRF kwa kazi nzuri wanayoifanya". Amesema Misinga.

Naye Mratibu wa Kudhibiti Ukimwi Manispaa ya Kinondoni Bi. Rhobi Gweso anashukuru kwa ushirikiano mkubwa kutoka kwa wadau wa Afua za UKIMWI na ameahidi kuendeleza ushirikiano huo katika jitihada za kudhibiti  maambukizi  ya VVU na UKIMWI katika Manispaa  ya Kinondoni na kufikia lengo tarajiwa la ziro maambukizi ifikapo 2030.