ZAHANATI YA MAKUMBUSHO YAZINDULIWA RASMI LEO

Tarehe iliyowekwa: December 10th, 2021

Akizindua Zahanati hiyo iliyopo Kata ya Makumbusho Manispaa ya Kinondoni,  Mhe. David Silinde (Mb), Naibu Waziri OR-TAMISEMI amesema lengo la Serikali ni kuwafikia wananchi kwa huduma zote muhimu hasa huduma ya afya.

Ameongeza kuwa Serikali ya awamu ya sita chini ya Mhe. Samia Suluhu Hassan imedhamiria kuhakikisha miundombinu ya huduma za afya inaboreshwa kwa wananchi na kuitaka Zahanati hii kutoa huduma bora iliyokusudiwa.

Kadhalika amewataka wananchi wa Makumbusho kuwa sehemu ya umiliki wa Zahanati hiyo kwa kuitunza na kuilinda wakati wote ili iweze kusaidia kwa utoaji huduma za afya kwa jamii.

Uzinduzi huo umehudhuriwa na Mbunge wa Kinondoni Mhe. Abbas Tarimba, Katibu Tawala wa Kinondoni kwa niaba ya Mkuu wa Wilaya Bi.Stella Msofe, Mstahiki Meya Mhe. Songoro Mnyonge, Waheshimiwa Madiwani, Kaimu Mkurugenzi, Ndg. Shedrack Maximilian pamoja na wananchi wa Kinondoni.

Imeandaliwa na

Kitengo Cha Habari na Uhusiano.

Manispaa ya Kinondoni.