WAZIRI GWAJIMA AKERWA NA UDHALILISHAJI WATOTO

Tarehe iliyowekwa: November 30th, 2022

WAZIRI wa Maendeleo ya Jamii, Mheshimiwa Dorothy Gwajima, amewataka wazazi na walezi kuzungumza mara kwa mara na watoto wao ili kubaini iwapo wanafanyiwa vitendo vya udhalilishaji.

Waziri Gwajima ameyasema hayo alipotembelea shule ya Starlight iliyopo Tegeta, kufuatia watumishi wawili wa shule hiyo kutuhumiwa kumdhalilisha mtoto wa miaka sita.

Alisema, "Ni vizuri wazazi na walezi kuzungumza na watoto, na kama kuna dalili za udhalilishaji taarifa zitolewe mapema."

Hata hivyo, Mkuu wa Wilaya ya Kinondoni, Mheshimiwa Godwin Gondwe, alimweleza Waziri Gwajima kuwa tayari watuhumiwa hao wamekamatwa.

Imeandaliwa na Kitengo cha Mawasiliano Serikalini: Manispaa ya Kinondoni