WAZEE KINONDONI WAOMBWA KUSIMAMIA MAADILI KWA VIJANA

Tarehe iliyowekwa: October 1st, 2023

Wazee kutoka Manispaa ya Kinondoni waombwa kusimamia maadili ya vijana na watoto wote kwenye maeneo yao wanayoishi.

Hayo yamesemwa na Katibu Tawala wa Wilaya ya Kinondoni Bi. Stella Msofe katika maadhimisho ya siku ya wazee duniani yaliyofanyika leo Oktoba 1,2023 katika viwanja wa CCM Mwinjuma.

"Niwaombe wazee wangu wote kutoka Kata zote 20 za Manispaa ya Kinondoni kuendelea kusimamia maadili ya vijana na watoto wetu kwani kufanya hivyo itasaidia kwa kiasi kikubwa kulinda maadili na jamii yetu kuwa salama na yenye maadili mema," amesema Bi. Stella.

Bi. Stella amewahakikishia wazee wote wa Manispaa ya Kinondoni kupatiwa huduma stahiki zote na kuwapongeza wazee hao kwa kujitokeza katika maadhimisho hayo ya siku yao.

Maadhimisho hayo yameenda sambamba na utoaji wa huduma za kimatibabu bure ikiwepo upimaji wa afya, kisukari, macho, kinywa na presha.