WAZAZI WAASWA KUZINGATIA MAKUNDI MATANO YA VYAKULA KWA WATOTO WAO

Tarehe iliyowekwa: October 13th, 2023

Wazazi na walezi watakiwa kuzingatia makundi matano ya chakula pindi wanapotengeneza chakula cha watoto ili kupunguza magonjwa yatokanayo na lishe ikiwemo utapiamlo.

Hayo yamesemwa na Afisa lishe wa Manispaa ya Kinondoni  Bi. Emiliana Daud ikiwa ni siku ya afya na lishe katika Kata ya  Makongo kwa robo ya kwanza ya mwaka 2023/2024.

Aidha, Bi. Emiliana amewataka wazazi hao kuhakikisha watoto wao wanapata vitamini ya nyongeza inayotolewa mara mbili kwa mwaka ambapo vitamini hivyo husaidia katika ukuaji na kuongezeka kwa mtoto.

Sambamba na mafunzo hayo huduma za upimaji wa afya  zilifanyika ikiwemo upimaji wa hali ya lishe kwa watoto, upimaji wa presha na uzito.