WATUMISHI KINONDONI WATAKIWA KUFANYA KAZI KWA WELEDI

Tarehe iliyowekwa: October 28th, 2023

Katibu Tawala Mkoa wa Dar es Salaam Bi. Rehema Madenge amewataka watumishi wa Halmashauri ya Manispaa ya Kinondoni kufanya kazi kwa weledi na uzalendo ili kuipeleka mbele Manispaa ya Kinondoni.

Amezungumza hayo, tarehe 26 Oktoba, 2023 alipokutana na watumishi hao katika ukumbi wa Manispaa na kusema, " fanyeni kazi kwa ushirikiano, tumieni busara katika utendaji ili kutunza taswira nzuri ya Utumishi wa Umma pamoja na Taasisi".

Aidha, Bi. Rehema ametembelea miradi ya maendeleo inayoendelea kutekelezwa katika Manispaa ya Kinondoni. Miongoni mwa miradi hiyo ni ujenzi wa Jengo la Utawala la Manispaa ya Kinondoni, Ukarabati wa Ofisi ya Mkuu wa Wilaya ya Kinondoni, Ujenzi wa Kituo cha afya Kata ya Kinondoni na ujenzi wa Soko la Tandale.