WANAWAKE SIMAMENI: SERIKALI NA JAMII INAWATHAMINI

Tarehe iliyowekwa: November 10th, 2023

(Yatumieni majukwaa kuwa fursa ya kuwainua kiuchumi)

Hayo yamesemwa na Mhe. Wilfred Nyamwija Diwani wa Kata ya Hananasif katika uzinduzi wa jukwaa la wanawake Kata ya Hananasif leo Novemba 10, 2023.

"Ni wakati wenu wanawake kusimama na kusonga mbele, jamii yetu siku hizi inatoa fursa za kutosha kwenu, Serikali inawajali na kuwafungulia njia hivyo ni wajibu wenu kusimama imara sasa" amesema Mhe. Nyamwija.

Uzinduzi huo umefanyika katika Ofisi ya Mtendaji wa Kata ya Hananasif ambapo Mhe. Nyamwija amewataka wanawake wa Hananasif kuona fursa zinatolewa na Serikali chini ya Rais Mhe. Dkt. Samia Suluhu Hassan na kuzitumia kiufasaha.

Aidha, Mhe. Nyamwija amewaahidi wanawake wa jukwaa la Hananasif kuwapa msaada wa hali na mali kila watakapohitaji msaada kutoka kwake.