WANANCHI WATAKIWA KUCHANGAMKIA FURSA YA ARDHI KLINIKI

Tarehe iliyowekwa: February 8th, 2024

Mkuu wa Wilaya ya Kinondoni Mhe. Saad Mtambule, ambaye pia ni Mwenyekiti wa Kamati ya Migogoro ya Ardhi Wilaya ya Kinondoni amewataka wananchi wote wa Kinondoni kuchangamkia fursa ya ugawaji wa hati na utatuzi wa migogoro ya ardhi (Ardhi Kliniki) inayoendelea kwenye maeneo mbalimbali.

Mhe. Mtambule amesema hayo Februari 08, 2024 akiwa katika kikao na Wajumbe wa Kamati hiyo akisikiliza na kutatua kero za ardhi ndani ya Manispaa ya Kinondoni.

"Hii ni fursa kubwa sana kwa Wakazi wa Kinondoni hivyo niwaombe kuchangamkia fursa hii ya Ardhi Kliniki ya ugawaji wa Hati papo hapo na bila usumbufu wowote pamoja na kupata suluhisho la utatuzi wa migogoro ya ardhi," amesema Mhe. Mtambule.