WANAFUNZI SHULE YA MSINGI MICHAEL URIO WAHAMISHIWA SHULE YA MSINGI TEGETA

Tarehe iliyowekwa: January 23rd, 2024

Wanafunzi wa shule ya Msingi Michael Urio iliyopo Kunduchi wahamishiwa katika shule ya  awali na Msingi Tegeta kwa muda kutokana na shule hiyo kujaa maji yaliyotokana na mvua zilizonyesha usiku wa kuamkia siku ya Jumamosi, Januari 20, 2024.

Hatua hiyo imechukuliwa ili kuwawezesha wanafunzi hao kuendelea na masomo bila kuathiri taratibu nyingine zozote huku hatua za kudumu zikiendelea kuchukuliwa.

"Tunaomba wazazi kutokuwa na wasiwasi shule haijafungwa,  masomo yanaendelea kama kawaida. Taratibu zote zinaendelea kama kawaida. Wanafunzi wamehamishiwa shule ya awali na msingi Tegeta kwa muda wakati taratibu zikiendelea za kuhakikisha tatizo hilo la kujaa maji wakati wa mvua linatatuliwa. 

Madarasa yapo na wanafunzi wataendelea na masomo yao vizuri" alisema hayo Mkuu wa Wilaya ya Kinondoni Mheshimiwa Mtambule alipotembelea shule hiyo Januari 23, 2024.