WAKANDARASI MNAOJENGA VYUMBA VYA MADARASA SIMAMIENI MPANGO KAZI WENU

Tarehe iliyowekwa: December 3rd, 2021

Ni kauli yake  Mkuu wa Wilaya ya Kinondoni Mheshimiwa Godwin Gondwe alipofanya ziara ya ukaguzi wa ujenzi wa vyumba vya madarasa ya shule za sekondari vinavyojengwa kwa fedha za mpango wa maendeleo kwa ustawi wa Taifa na mapambano dhidi ya UVIKO-19 kwa lengo la kujiridhisha na hatua za utekelezaji zilizofikiwa ikiwa ni pamoja na ubora unaoenda sambamba na thamani ya fedha.

Amesema kuzingatia mpango kazi kutawasaidia kukamilisha ujenzi huo kwa wakati na katika ubora uliokusudiwa hali itakayopelekea wanafunzi wetu wa sekondari kupata nafasi ya kuendelea na masomo.

Ameongeza kuwa Wakandarasi hao pia wanatakiwa kuwa katika eneo la kazi wakati wote ili iwe rahisi kusimamia utekelezaji wa ujenzi utakaopelekea vyumba hivi kukamilika kwa ubora, kwa wakati na kiwango kilichokusudiwa.

Katika ziara yake aliyotembelea ujenzi wa vyumba vya madarasa ya shule ya Sekondari Michael Tarimo, shule ya Sekondari Songoro Mnyonge, shule ya Sekondari Kondo, shule ya Sekondari Mivumoni na shule ya Sekondari Kijitonyama imehudhuriwa pia na Wakuu wa Idara na Vitengo pamoja na wajumbe kutoka ofisi ya Mkuu wa Wilaya.

Imeandaliwa na

Kitengo Cha Habari na Uhusiano

Manispaa ya Kinondoni.