VIJANA WATAKIWA KUSHIRIKI KUJIANDIKISHA KATIKA DAFTARI LA KUDUMU LA KUPIGA KURA

Tarehe iliyowekwa: May 22nd, 2024

Katika kuelekea Uchaguzi mdogo wa Serikali za Mitaa Halmashauri ya Manispaa ya Kinondoni imewataka Vijana na Watu wenye ulemavu kushiriki kikamilifu  katika zoezi la kujindikisha kwenye daftari la kudumu la wapiga kura. 

Hayo yamesemwa na Afisa Uchaguzi wa Wilaya ya Kinondoni Bi. Latifa Almas Mei 22, 2024 wakati wa hafla ya utoaji wa Mitaji kwa wajasiliamali wadogowadogo iliyofanyika katika Ofisi ya Kata ya Mzimuni.

"Tukiwa tunaelekea kwenye uchaguzi mdogo wa Serikali za Mitaa 2024 niendelee kuwaomba sana kundi la Vijana na Watu wenye ulemavu ambao wanaonekana kuwa nyuma kwenye masuala ya uchaguzi wajitokeze kujiandisha kwenye daftari la kudumu la wapiga kura," amesema Bi. Latifa.

Aidha, Bi. Latifa amewataka Wanawake wa Kata hiyo kujitokeza katika kugombea nafasi hizo za uongozi kwa ajili ya maendeleo katika Kata na Mitaa yao.