UZINDUZI JUKWAA LA WANAWAKE MBEZI JUU: MAHAWANGA ATOA MAJIKO YA GESI 20

Tarehe iliyowekwa: November 17th, 2023

Mbunge wa Viti Maalum Mkoa wa Dar es Salaam, Mheshimiwa Janeth Mahawanga, ametoa majiko 20 yanayotumia gesi kwa mama lishe ikiwa ni ishara ya uzinduzi wa Jukwaa la kiuchumi la Wanawake.

Majiko hayo yatawawezesha mama lishe hao kuachana na matumizi ya kuni na mkaa katika shughuli zao za kila siku.

Jukwaa hilo lililoundwa kwa ajili kukuza fursa za kichumi kwa Wanawake wa Kata ya Mbezi Juu linaloongozwa na Mwenyekiti wake Bi. Sume Seif, lilizinduliwa Novemba 17, 2023 chini ya uratibu wa Diwani wa Kata hiyo, Mheshimiwa Anna Lukindo,  limedhamiria kuanzisha miradi na kuwajengea uwezo mabinti ambao ni wanawake wa kesho kwa kuanzisha kituo cha kujifunzia ujasiriamali kwa vitendo.

Uzinduzi huo pia ulishuhudiwa na  Viongozi wa Vyama mbalimbali vya siasa,  Viongozi wa Serikali na wananchi wa Kata ya Mbezi Juu.