UWEKEZAJI WA ELIMU KWA WATOTO NI HAZINA KUBWA - RC CHALAMILA

Tarehe iliyowekwa: February 21st, 2024

Mkuu wa Mkoa wa Dar es salaam, Mheshimiwa Albert Chalamila, amesema uwekezaji wa elimu kwa watoto ni hazina kubwa kwa taifa letu.

Mhe. Chalamila amesema hayo Februari 21, 2024 wakati wa ziara yake ya kutembelea na kukagua mradi wa ujenzi wa Shule ya Msingi katika Kata ya Kigogo.

Akiongea katika ziara hiyo Mhe. Chalamila alisema kuwa, "Kinondoni mmefikiria kwa makini kwa kuona umuhimu wa kuanzisha miradi mikubwa kama hii ya ujenzi wa Shule zenye mchepuo wa kiingereza kwani italeta chachu ya kukuza ufauli katika Shule zetu za Serikali."

Aliongeza kuwa, "Watoto ndio hazina kubwa katika Taifa letu la kesho, hivyo tutakapowafundisha kwa lugha kama hii ya kingereza  iliyoenea zaidi Duniani tunakuwa tunafanya uwekezaji mkubwa kwa taifa letu la kesho hivyo nawapongeza sana Halmashauri ya Manispaa ya Kinondoni kwa kuliona hilo."