Tarehe iliyowekwa: November 24th, 2022
Mkuu wa Wilaya ya Ilala, Mheshimiwa Ng'wilabuzu Ludigija, amesema kuwa suala la usafi Wilayani Kinondoni ni endelevu.
Mkuu huyo wa Wilaya ameyasema hayo alipokutana na Watendaji wa Kata na Mitaa wa Manispaa ya Kinondoni leo.
Mheshimiwa Ludigija alikuwa akizungumza na Watendaji hao kwa niaba ya Mheshimiwa Godwin Gondwe, ambaye ni Mkuu wa Wilaya ya Kinondoni.
Alisema, "Usafi ni endelevu, mitaa yote isafishwe na mjirekodi kuonesha namna mnavyofanya usafi." Pia amewapongeza Watendaji hao kwa kuendelea kuwapanga Wamachinga.
Kwa upande wake, Mkurugenzi wa Manispaa ya Kinondoni, Bi. Hanifa Suleiman Hamza amewataka Watendaji hao kushirikiana ili kuhakikisha wanatekeleza maelekezo hayo.
Imetolewa na Kitengo cha Mawasiliano Serikalini:
HALMASHAURI YA MANISPAA YA KINONDONI.
2 Barabara ya Morogoro, 14883 Dar es Salaam
Anuani ya Posta: S.L.P 31902
Simu ya mezani: +255222170173
Simu ya mkononi: +255733241052
Barua pepe: md@kinondonimc.go.tz
