USAFI KUWA ZOEZI ENDELEVU KATA YA TANDALE

Tarehe iliyowekwa: April 24th, 2024

Kuelekea Maadhimisho ya miaka 60 ya Muungano wa Tanganyika na Zanzibar, Kata ya Tandale imefanya usafi katika barabara ya Mtaa wa Tandale kwa Tumbo mpaka sokoni, ikiwa ni njia ya kuuenzi Muungano.

Katika zoezi hilo la usafi lililofanyika Aprili 24, 2024, likiongozwa na Diwani wa Kata hiyo Mhe. Abdallah Said, Wananchi wameadhimia kwa pamoja kuwa zoezi la usafi liwe endelevu kuanzia ngazi ya Nyumba, Mtaa na Kata.

Afisa Usafishaji na Mazingira Manispaa ya Kinondoni Bi. Racheal Mlingwa, amesema kuwa uamuzi wa kulifanya zoezi la usafi kuwa la kila siku utawasaidia Wananchi kuwa salama kutokana na mwendelezo wa mvua zinazonyesha kila siku.

"Tunapaswa kuzingatia usafi Ili kujikinga na adhaa za mlipuko wa magonjwa kutokana na mwendelezo wa mvua  zinyeshazo kila siku" amesema Bi Racheal Mlingwa.