"TUTUMIE MAJUKWA YA TEKNOLOJIA KUTANGAZA BIASHARA ZETU NDANI NA NJE YA NCHI"

Tarehe iliyowekwa: November 29th, 2023

Mwenyekiti wa Jukwaa la  Uwezeshaji Wanawake Kiuchumi Taifa Bi. Fatuma Kange, amewataka wanawake wajasiriamali kutumia jukwaa la teknolojia kutangaza biashara zao ndani na nje ya Nchi.

Bi Fatuma Kange ameyasema hayo wakati wa ufungaji wa wiki ya majukwaa ya uwezeshaji wa wanawake kiuchumi ngazi ya mitaa Wilaya ya Kinondoni, yaliyofanyika leo Novemba 24, 2023 katika viwanja vya Biafra.

Bi Fatuma Kange amesema kuwa biashara wanazofanya wanawake wajasiriamali zinaweza kufanyika kwa weledi mkubwa na mafanikio ikiwa watatumia Maendeleo ya teknolojia iliyopo. "Wanawake tutumie  jukwaa la  teknolojia kutafuta mtandao wa kuuza bidhaa zetu, tusitumie jukwaa hilo la teknolojia kupiga umbeya" ameongeza Bi. Fatuma Kange.