"TUTAFUATILIA MABADILIKO"

Tarehe iliyowekwa: June 21st, 2023

"Ufuatiliaji utafanyika katika shule zetu kuangalia mabadiliko katika ufundishaji na upimaji". M.D Hanifa S. Hamza.

Mkurugenzi wa Manispaa ya Kinondoni, amewataka walimu kubadilika katika ufundishaji na utungaji wa mitihani kwa wanafunzi.

Mkurugenzi Hanifa, ametoa rai hiyo kwa kundi la kwanza la walimu 81 wanaohudhuria mafunzo ya ufundishaji somo la Kiingereza kwa shule za Awali na Msingi za Manispaa ya Kinondoni.

"Mafunzo haya yamekuja kwa wakati muafaka ambapo mtaala wa sasa ni ule unaohusu ujuzi na si maudhui pekee. Hivyo mafunzo haya yanalenga kuwajengea uwezo ili muweze kutekeleza majukumu yenu kwa ufanisi," Alisema Mkurugenzi Hanifa.

Licha ya kuwataka kuwa wasikivu wakati wote wa mafunzo hayo, alisema kuwa, "baada ya semina hii kuwe na mabadiliko chanya katika shule zetu na tutunge maswali kwa usahihi na tufundishe vizuri somo la Kiingereza."

Mafunzo hayo yatafanyika kwa siku mbili kuanzia leo Juni 21, 2023