TUMIENI HELA ZA TASAF KUJIIMARISHA KIUCHUMI

Tarehe iliyowekwa: May 17th, 2024

Wanufaika wa fedha kutoka Mpango wa Kunusuru Kaya Maskini (TASAF) katika Wilaya ya Kinondoni wameaswa kutumia fedha  hizo kuimarisha uchumi wao binafsi kwa kuanzisha vitegauchumi vitakavyowakwamua kwenye umaskini badala ya kutumia fedha hizo kwenye starehe.

Haya yalisemwa Mei 17, 2024 na Afisa Ufuatiliaji TASAF kutoka Halmashauri ya Manispaa ya Kinondoni Bi.Teddy Kyara katika zoezi la Uhakiki na Uboreshaji wa Taarifa wa daftari la TASAF kwa wanufaika katika linaloendelea katika Wilaya ya Kinondoni.

"Lengo la fedha za TASAF ni kuimarisha uchumi wa kaya  Maskini hivyo hicho kidogo mnachokipata mjitahidi kukidunduliza  na kuanzisha biashara mbalimbali.Msitumie  fedha hizo  kufanyia starehe badala yake tumieni fedha hizo kukuza uchumi wenu."

Aidha Afisa Muwezeshaji TASAF kutoka Kata ya Mzimuni Bi.Emelia Anyasisye amewaasa  wanufaika wa fedha kutoka TASAF kuzingatia Afya zao kwa kufanya mazoezi  ya kuimarisha mawili pamoja na kula mlo bora.

"Ni muhimu kufanya mazoezi,kula mlo bora na pia kupima Afya yako mara kwa mara  kuimarisha afya zenu.Ambapo Kiafya inashauriwa kufanya mazoezi kwa dakika 30, kulala masaa 8, kunywa maji glasi 8 na pia muepuke kula vya kula vyenye sukari nyingi kwani husababisha magonjwa sugu ambayo ni hatari kwa afya."