TOENI TAKWIMU SAHIHI ZA CHANJO YA POLIO

Tarehe iliyowekwa: December 1st, 2022

Mkuu wa Wilaya ya Kinondoni, Mheshimiwa Godwin Gondwe, amewataka watoa chanjo ya Polio na watunza takwimu, kuandika takwimu sahihi badala ya kughushi.

Wito huo ameutoa leo wakati akizindua kampeni ya chanjo ya Polio kiwilaya katika Zahanati ya Magomeni Makuti, Manispaa ya Kinondoni.

Chanjo hiyo inayofanyika kwa watoto chini ya umri wa miaka mitano, imelenga kuwafikia na kuwachanja watoto 275,919. Kampeni hiyo itahitimishwa Desemba 04, 2022.

Alisema kuwa," Andikeni takwimu sahihi, msibambike takwimu". Katika awamu ya tatu Manispaa ilivuka lengo kwa asilimia 123.43 kwa kuchanja watoto 223,541.

Imeandaliwa na Kitengo cha Mawasiliano Serikalini: Manispaa ya Kinondoni