WATUMISHI WAJENGEWA UWEZO KUHUSU MRADI WA KUBORESHA ELIMU YA AWALI, MSINGI

Tarehe iliyowekwa: December 16th, 2022

Wataalamu wa timu za utekelezaji wa mradi wa kuboresha elimu ya awali na msingi "BOOST" kutoka mikoa minne ya Dar es Salaam, Dodoma, Morogoro na Pwani wamepewa mafunzo ya uelewa wa afua nane muhimu za utekelezaji wa mradi katika mafunzo elekezi yanayoendelea katika Chuo cha Ualimu Morogoro na kuhudhuriwa na wajumbe wa Halmashauri zote za Mikoa husika. 

Mafunzo kazi hayo kwa timu za utekelezaji wa mradi wa BOOST yameandaliwa na OR-TAMISEMI kwa kushirikiana na Wizara ya Elimu, Sayansi na Teknolojia.

Afua muhimu zilizoanishwa ni pamoja na :-

1. Uboreshaji wa miundombinu katika elimu ya awali na msingi
2. Uwekaji mazingira salama ya ufundishaji
3. Kuongeza uandikishaji wanafunzi katika elimu ya awali na msingi
4. Uboreshaji wa mazingira ya ufundishaji na maudhui
5. Uwezeshaji wa walimu katika mafunzo ya TEHAMA
6. Utoaji wa mafunzo endelevu kwa walimu mashuleni
7. Uwezo wa Halmashauri kuwezesha kifedha
8. Uongozi na utawala bora katika elimu

Aidha, msisitizo umetolewa ili kuhakikisha mahitaji ya msingi ya utekelezaji wa afua yanakamilishwa ili kukidhi vigezo vya kupata msaada wa kifedha kutoka Benki ya Dunia zitakazowezesha kupunguza na kuondoa changamoto mbalimbali za kielimu.

Imetolewa na Kitengo cha Mawasiliano Serikalini: 

Halmashauri ya Manispaa ya Kinondoni