TAASISI ZA KIDINI, MASHIRIKA BINAFSI, ONGEZENI NGUVU KATIKA KUTATUA CHANGAMOTO ZA WATU WENYE MAHITAJI MAALUM KATIKA JAMII

Tarehe iliyowekwa: April 21st, 2018

Wito huo umetolewa leo na Mwenyekiti wa Kamati ya kudhibiti maambukizi ya UKIMWI Manispaa ya Kinondoni, ambaye pia ni Naibu Meya wa Manispaa hiyo Mh George Mangalu katika ziara yake ya kutembelea taasisi za kidini na mashirika binafsi kwa lengo la kujionea ushiriki wake kwenye mapambano dhidi ya ukimwi na madawa ya kulevya

Amesema taasisi hizi na mashirika haya yanatakiwa kuwa mstari wa mbele yakisaidiana na Serikali katika kuhakikisha waliopata nafuu kutoka kwenye matumizi hayo ya madawa  wanajenga misingi ya kujiamini, ikiwa ni pamoja na kupatiwa mikopo itakayowawezesha kuendelea na shughuli za ujasiriamali.

Kwa upande wake Mratibu wa kudhibiti maambukizi ya virusi vya UKIMWI Manispaa hiyo Bi.Rhobi Gwesso amesema, uelewa mkubwa unatakiwa kwa viongozi wa dini ili iwe rahisi kupeleka taarifa sahihi kwa jamii za jinsi ya kujikinga na maambukizi mapya ya virusi vya UKIMWI.

Shirika lililotembelewa ni pamoja na BLUE CROSS lililoko Ununio na taasisi za kidini zilizopo oysterbay yote yakijishughulisha  na mapambano dhidi ya  madawa ya kulevya na UKIMWI.

Imeandaliwa na

Kitengo Cha Habari na Uhusiano

Manispaa ya Kinondoni.