TAARIFA ZA KESI ZA UKATILI ZISAJILIWE KWENYE MIFUMO

Tarehe iliyowekwa: May 2nd, 2024

Maafisa Ustawi wa Jamii wametakiwa kuzitolea taarifa kesi za watoto walio kwenye mazingira hatarishi na waliofanyiwa ukatili na kuziingiza katika mifumo wa DSMS na MVC Mis.

Rai hiyo ilitolewa Mei 2, 2024, na Afisa Ustawi wa Jamii wa Mkoa wa Dar es salaam, Bwn. Elisha Nyamala, wakati akizindua mafunzo ya kuwajengea uwezo maafisa ustawi wa jamii wa Manispaa ya Kinondoni. Mafunzo hayo yalifanyika katika ukumbi wa DMDP Magomeni.

Kwa upande wake muwezeshaji wa mafunzo hayo kutoka Shirika la Global Child Advocates Tanzania, Bwn. Onesmo Itozya, aliwataka Maafisa hao kufuata Kanuni za kutoa taarifa za watoto walio kwenye makao ili kurahishia wadau wengine wanapofanya tathmini za kuwarudisha watoto hao  wasipate shida.

Vilevile Maafisa walitakiwa wamiliki wa makao kuwashirikisha wadau mbalimbali na Maafisa Ustawi wa Jamii ili kurahisisha taratibu za kuwatengamanisha watoto na familia zao.