SOMENI KWA BIDII - RC CHALAMILA

Tarehe iliyowekwa: February 22nd, 2024

Wanafunzi wa shule za Kata wahimizwa kusoma na kuongeza bidii ili kuongeza ufaulu kwenye masomo yao.

Wito huo umetolewa Februari 22, 2024 na Mkuu wa Mkoa wa Dar es Salaam, Mheshimiwa Albert John Chalamila, alipokuwa anazindua mradi wa nyumba mbili za walimu katika shule ya sekondari Godwin Gondwe iliyopo Kata ya Kunduchi, Manispaa ya Kinondoni.

Mhe. Chalamila amesema, "Shule za Kata zimekuwa kinara  katika kutoa Elimu Bora na kufanikisha kwa kiwango kikubwa na pia zimepunguza gharama za Ada na umbali." Aliongeza, "hivyo Wanafunzi wa Shule hizo wasijisikie vibaya kusoma katika Shule za Kata." Aliwaasa Wanafunzi kwa kusema," Someni kwa bidii bila kujali kwamba mnasoma shule za Kata."

Aidha, Katibu Mwenezi wa CCM Wilaya ya Kinondoni, Komrade Lilian Rwebangira, aliwaasa Wanafunzi hao kuzingatia Kwa bidii wajibu wao wa kusoma na kuachana na makundi mabaya yatakayo wapelekea kutotimiza malengo yao ya kimasomo. Katika kusisitiza hilo  Mhe. Rwebangira alisema, "Serikali imeshafanya wajibu wake, ninyi kama Wanafunzi mnapaswa kutimiza wajibu wenu wa kusoma kwa  bidii na kufanya Wilaya yetu kuwa kinara kwenye sekta ya elimu."

Mradi wa Nyumba za Walimu katika Shule ya Sekondari Godwin Gondwe umetatua changamoto kubwa ya suala la malazi  kwa familia tatu za Walimu Shuleni hapo. Hivyo kusaidia kuboresha suala la utoaji wa elimu bora  na kuongeza ufaulu wa Wanafunzi wa Shule hiyo.