Tarehe iliyowekwa: January 23rd, 2024
Shughuli zilizokuwa zimesimama kwa muda kutokana na mvua zilizonyesha usiku wa kuamkia Jumamosi Januari 20, 2024 na kuharibu baadhi ya miundombinu katika eneo la Kunduchi Mtongani Manispaa ya Kinondoni zimerejea kama kawaida.
Hayo yamebainishwa na Mkuu wa Wilaya ya Kinondoni Mhe. Saad Mtambule alipotembelea eneo hilo Januari 23, 2024 kwa lengo la kuangalia na kukagua kasi ya marekebisho katika daraja hilo.
"Eneo hilo la Kunduchi Mtongani barabara ilikatika kabisa na hakukuwa na mawasiliano ya hizi pande mbili ila kwa sasa tumejitahidi na hali imerudi kama kawaida na barabara inapitika kama ilivyo awali," amesema Mhe. Mtambule.
Mbali na hayo pia Mhe. Mtambule amesema kuwa yapo maeneo na taasisi ambayo yameathirika na mvua kama shule, makazi ya watu hivyo Serikali inaendelea kufanya jitihada mbalimbali kutatua changamoto hizo.
2 Barabara ya Morogoro, 14883 Dar es Salaam
Anuani ya Posta: S.L.P 31902
Simu ya mezani: +255222170173
Simu ya mkononi: +255733241052
Barua pepe: md@kinondonimc.go.tz
