RC CHALAMILA ATOA MAAGIZO UWANJA WA KMC

Tarehe iliyowekwa: February 17th, 2024

Mkuu wa Mkoa wa Dar es Salaam Mheshimiwa Albert Chalamila amemtaka Mkandarasi wa ujenzi wa Uwanja wa timu ya KMC kumaliza ujenzi huo kabla ya Machi 30, 2024.

Mhe. Chalamila ametoa maagizo hayo Febuari 17, 2024 katika ziara aliyoifanya  ya kutembelea na kukagua mradi wa ujenzi wa Uwanja wa mpira wa KMC FC.

"Binafsi siridhishwi kabisa na kasi ya ujenzi wa mradi huu hivyo niwaombe wakandarasi kuongeza kasi ya ujenzi ili ifikapo tarehe 30 mwezi Machi ujenzi huu uwe umekamilika na kwa ubora unaotakiwa," amesema Mhe. Chalamila.

Kwa upande wake Mkuu wa Wilaya ya Kinondoni Mheshimiwa Saad Mtambule amesema kucheleweshwa kwa ujenzi huu ni kuikosesha mapato Manispaa ya Kinondoni, hivyo niwaombe Wakandarasi kuongeza kasi ya ujenzi huu.

Nae Mkurugenzi wa Manispaa ya Kinondoni Bi. Hanifa Suleiman Hamza amesema ziara hiyo ya Mkuu wa Mkoa itasaidia kwa kiasi kikubwa kuchochea kasi ya ujenzi wa Uwanja huo ili ifikapo mwezi Machi tarehe 30 Uwanja uwe umekamilika.