NITAKUWA BEGA KWA BEGA KUFUATILIA MAJUKWAA- Mhe: Chalamila

Tarehe iliyowekwa: November 24th, 2023

Mkuu wa Mkoa wa Dar es Salaam Mheshimiwa Albert Chalamila amesema atakuwa bega kwa  kufuatilia majukwaa ya wanawake ili yaendelee kuleta tija.

Alitoa kauli  hiyo Novemba 24, 2023 alipofungua rasmi Jukwaa la Uwezeshaji Wanawake Kichumi ngazi ya Mitaa Wilaya ya Kinondoni yaliyofanyika katika Viwanja vya Biafra Manispaa ya Kinondoni. Ufunguzi huo ulitanguliwa na maonesho ya Wajasiriamali Wanawake kutoka Kata zote za Manispaa ya Kinondoni.

Alisema, "Mwanamke akishika rungu la uchumi, familia zote zitakomboka kwani mwanamke akiwezeshwa anaweza kuleta mapinduzi makubwa sana kiuchumi".

Aidha, aliwataka wanawake kuendeleza upendo, umoja na mshikamano ili kujenga jeshi moja lenye lengo la kuleta maendeleo katika nchi.

Vile vile, amewapongeza wanawake na washiriki wa maonesho hayo kwa kujenga mtandao mkubwa uliowawezesha kuonyesha bidhaa zao zinazosaidia kujikwamua kiuchumi."Kataeni dhana ya utegemezi ili muweze kusimama na kujikwamua kiuchumi".Aliongeza Mhe Chalamila.