MSTAHIKI MEYA SONGORO MNYONGE AKUTANA NA RAIS MWINYI CHINA

Tarehe iliyowekwa: July 1st, 2023

Mstahiki Meya wa Manispaa ya Kinondoni Mhe. Songoro Mnyonge jana alikutana na kufanya mazungumzo na Rais wa Zanzibar na Mwenyekiti wa Baraza la Mapinduzi, Dkt. Hussein Mwinyi jijini Changsha katika jimbo la Hunan nchini China.

Mheshimiwa Dkt. Hussein Mwinyi yupo nchini humo kuhudhuria kongamano la kimataifa la ushirikiano wa kibiashara, kiuchumi na kijamii.

Mstahiki Meya pia ni mshiriki wa kongamano hilo akiwa amefuatana na Mkurugenzi wa Manispaa ya Kinondoni Bi. Hanifa Suleimani Hamza na Afisa Uwekezaji wa Manispaa ya Kinondoni Bw. Shadrack Mbonika.

Wakati huo huo, akiwa hapo China pia Mstahiki Meya Songoro Mnyonge amepata wasaa wa kukutana na kufanya mazungumzo na Balozi wa Tanzania nchini China Mhe. Mbelwa Kairuki.

(Habari na Picha na Mwewe wa M'nyamala kwa Msaada wa Mtandao)

30/6/2023.