MKURUGENZI KINONDONI ATOA POLE KWA WAATHIRIKA WA MAFURIKO KIGOGO

Tarehe iliyowekwa: April 27th, 2024

Mkurugenzi wa Halmashauri ya Manispaa ya Kinondoni Bi. Hanifa Suleiman Hamza ameendelea kutoa pole kwa waathirika wa mafuriko ya mvua zinazoendelea kunyesha hivi sasa.

Bi. Hanifa ametoa pole hizo Aprili 27, 2024 wakati alipotembelea na kukagua maeneo yaliyo athiriwa na mvua zinazoendelea kunyesha katika Kata ya Kigogo, Jijini Dar es Salaam.

"Serikali ipo kwa ajili yenu, hatupo tayari kuona Mwanachi anateseka, hivyo niwape pole wote mliokubwa na changamoto hii ya mafuriko. Lakini niwahakikishie Serikali inaendelea kufanya kila linalowezekana ili kinusuru hali hii," alisema Bi. Hanifa.