MIGOGORO YA ARDHI IFIKIE KIKOMO - DC MTAMBULE

Tarehe iliyowekwa: February 14th, 2024

Kamati ya Ulinzi na Usalama Wilaya ya Kinondoni chini ya Mwenyekiti wake ambae ni Mkuu  wa Wilaya ya Kinondoni Mheshimiwa Saad Mtambule imefanya ziara katika Kata ya Mabwepande na Wazo kwa lengo la kufikia hitimisho ya migogoro ya Ardhi katika maeneo hayo.

Mheshimiwa Mtambule amesema hayo Februari 14, 2024 alipokuwa akizungumza na Wakazi wa Mikocheni C Kata ya Mabwepande kwa kusema, "Migogoro ya Ardhi inatakiwa kufika mwisho mara moja kwa kufanya urasimishaji wa ardhi kwenye maeneo yenye migogoro". amesema Mhe. Mtambule.

Aidha, Mhe. Mtambule ameongeza kuwa katika urasimishaji huo, Wataalam wa Ardhi na Mipango Miji wahakikishe wanatenga maeneo kwa kuzingatia huduma muhimu za kijami.