MIAKA 62 YA UHURU KINONDONI YABORESHA MAZINGIRA YA UWEKEZAJI

Tarehe iliyowekwa: December 9th, 2023

Halmashauri ya Manispaa ya Kinondoni imeboresha zaidi mazingira ya uwekezaji katika kipindi cha miaka 62 ya Uhuru wa Tanzania.

Hayo yamebainishwa leo Desemba 9, 2023 ma Mkuu wa Wilaya ya Kinondoni Mhe. Saad Mtambule katika kongamano la maadhimisho miaka 62 ya Uhuru wa Tanzania yaliyofanyika katika Ukumbi wa Shule ya Sekondari Turiani Wilaya ya Kinondoni ikieleza mafanikio makubwa katika kila sekta ikiwemo sekta ya miundombinu, elimu pamoja na  afya.

Kutokana na uboreshaji huo wa miradi mbalimbali, Halmashauri ya Manispaa ya Kinondoni imefungua milango kwa wawekezaji ndani na nje ya nchi kuja kuwekeza ndani ya Manispaa ya Kinondoni kwani mazingira na miundombinu ya barabara ni rafiki kwa wawekezaji.