MIAKA 60 YA MUUNGANO: WAMACHINGA WAELEZA MAFANIKIO

Tarehe iliyowekwa: April 22nd, 2024

Vijana Wamachinga katika Wilaya ya Kinondoni wamekuwa miongoni mwa wanufaika wa miaka 60 ya Muungano wa Tanganyika na Zanzibar. Miaka 60 ya Muungano imewapa fursa vijana hawa kufanya biashara zao kwa uhuru na kujipatia kipato kwa njia ya biashara ya machinga.

Kwa mujibu wa Kiongozi wa Vijana Wamachinga Wilaya ya Kinondoni, Bi. Mariam Simba, miaka 60 ya Muungano imekuwa msaada mkubwa kwa vijana wa kimachinga katika kufanikisha biashara zao.

"Sisi kama vijana tunaufurahia Muungano kwa sababu umewezesha mazingira mazuri ya biashara na hivyo tumekuwa tukinufaika kwa kufanya biashara zetu za machinga kwa uhuru bila vikwazo vya kisiasa au kiuchumi," alisema Bi. Mariam

Aidha, Bwana Mohamed Ally  ambaye ni mmachinga alielezea namna vijana wa kimachinga wanavyonuafaika na Muungano wa Tanganyika na Zanzibar

"Kupitia miaka 60 ya Muungano, nimepata fursa ya kuuza na kununua bidhaa ndani ya Tanzania Bara na Visiwani bila kubaguliwa." Alisema Bw. Mohamed.