MGUU KWA MGUU KITAA IFIKE MAENEO MENGI ZAIDI KINONDONI

Tarehe iliyowekwa: March 30th, 2024

Naibu Meya wa Halmashauri ya Manispaa ya Kinondoni na Diwani wa Kata ya Makongo, Mheshimiwa Joseph Rwegasira, amepongeza  kampeni ya "Mguu Kwa Mguu Kitaa" ambayo  imeanzishwa na Kitengo cha Usimamizi wa Taka na Usafishaji wa Mazingira cha Halmashauri ya Manispaa ya Kinondoni.

Akizungumza na  Wananchi pamoja na viongozi wa Kata hiyo Mhe. Rwegasira amesema, "Naipongeza kampeni hii ya Mguu Kwa Mguu Kitaa ambayo kwa kiasi kikubwa imeweza kutatua changamoto ya mazingira machafu katika Mtaa huu wa Mlalakuwa na tunahitaji kampeni hii ifike sehemu nyingi zaidi katika Wilaya ya Kinondoni."

Aidha Mhe. Rwegasira ambaye alishiriki zoezi la usafi wa mwisho wa Mwezi kiwilaya Kata ya Makongo Machi 30,2024 aliwasihi Wananchi kuzingatia usafi kwenye mazingira yao yanayowazunguka ili kujilinda na mlipuko wa magonjwa mbalimbali Ikiwemo malaria na Kipindupindu.