MEYA KINONDONI :"YATIMA NI WATOTO WETU, TUWAPENDE, TUWAJALI NA KUWATHAMINI"

Tarehe iliyowekwa: June 12th, 2018

 Mstahiki Meya Manispaa ya Kinondoni Mh Benjamin Sitta,leo amegawa vyakula kwa kituo cha watoto yatima  cha AL Madina kilichopo Mwananyamala ,ikiwa ni sehemu ya kufurahi pamoja nao katika Futar aliyoiandaa na kufanyika katika viwanja vya Manispaa.

Amesema watoto yatima ni wakwetu, hivyo hatuna budi kuwapenda, kuwajali, kuwasikiliza na kushirikiana nao katika yale yanayompendeza Mungu, kwani kwa kufanya hivyo tunawajengea uwezo wakujiamini.

Naye Mufti Khamis Mataka akizungumnza kwa niaba ya Mufti Mkuu wa Tanzania amesema watanzania tunatakiwa sana kudumisha amani ya nchi yetu kwa kuyaweka mbele maslahi ya umma na kuacha kabisa kuyatanguliza yale ambayo yanatugawa na kutufarakanisha, ili kwa pamoja tuweze kudumisha amani na utulivu, vitu ambavyo tunavihitaji sana kuelekea uchumi wa kati wa viwanda.

Hafla hiyo iliyofanyika katika viwanja vya Manispaa ya Kinondoni pia imehudhuriwa na viongozi mbalimbali wa vyama na serikali .

Imeandaliwa na 

Kitengo cha Uhusiano na Habari 

Manispaa ya Kinondoni.