MAHAWANGA ATOA MITUNGI ISHIRINI KWA MAMA LISHE

Tarehe iliyowekwa: March 7th, 2024

Mbunge wa Viti Maalum, Mheshimiwa Janeth Mahawanga, amekabidhi mitungi ishirini ya gesi kwa wanawake ishirini ambao wanajihusisha na biashara ya nama lishe katika Kata ya Mbezi Juu.

Mheshimiwa Mahawanga alikabidhi mitungi hiyo katika maadhimisho ya Siku ya Wanawake katika Kata ya Mbezi Juu Machi 7, 2024, ikiwa ni kuunga mkono Serikali ya awamu ya sita chini ya  Rais Dkt. Samia Suluhu Hassan za matumizi ya nishati salama na kuepuka matumizi ya nishati ya mkaa na kuni kwa lengo la kuimarisha utunzaji wa mazingira.

Katika kuhimiza hilo Mheshimiwa Mahawanga alisema "Natoa majiko haya ya gesi kwa mama lishe ishirini kama juhudi za kumuunga Mheshimiwa Rais katika kampeni ya nishati salama ambayo inalenga katika ukombozi katika nishati ili kuepuka ukataji miti."

Ugawaji wa Majiko ya gesi  katika  Kata ya Mbezi Juu inalenga kuimarisha uchumi kwa Wanawake wote wanaojihusisha na shughuli za Mama lishe katika Kata.

Kwa mujibu wa Mheshimiwa Mahawanga, ugawaji huu wa majiko ya gesi utakuwa endelevu ambapo ameahidi kutoa majiko mengine awamu ijayo.