MAFUNZO YA LISHE BORA, UMUHIMU WA MATUMIZI YA VYAKULA VYA VITAMIN A KWA AKINA MAMA WAJAWAZITO NA WATOTO KATA YA MABWEPANDE

Tarehe iliyowekwa: October 21st, 2022

Mafunzo hayo yalifunguliwa rasmi leo tarehe 21 Oktoba, 2022 katika Kituo cha Mafunzo ya Kilimo Malolo na mgeni rasmi, Mkuu wa Divisheni ya Kilimo, Mifugo na Uvuvi Ndg. Salehe Hija kwa niaba ya Mkurugenzi wa Manispaa ya Kinondoni. 

Mgeni rasmi aliwaeleza walengwa kuwa vitamini A husaidia kuboresha mfumo wa kinga mwilini, afya macho, ngozi, mifupa, meno na ukuaji.

Aidha, Mgeni rasmi aliwasisitiza walengwa wa mafunzo (Kina mama wajawazito na wenye watoto chini ya miaka mitano) hayo kuwa elimu watakayopata katika mafunzo haya wakaifanyie kazi na sio kwao tu bali kwa jamii nzima.

Washiriki wa mafunzo pia walipata fursa ya kujifunza kuhusu:

1. Lishe bora kwa Mama Wajawazito na Watoto
2. Umuhimu wa matumizi wa vyakula vya Vitamini A kwa mama wajawazito na wototo
3. Kilimo cha mboga mboga majumbani (Kilimo mjini)