MAANDALIZI YA LISHE BORA SHULENI YAZINGATIE USAFI

Tarehe iliyowekwa: September 7th, 2023

Na Athuman Ntafumila:

Afisa Elimu Msingi wa Manispaa ya Kinondoni Bi. Theresia Kyara, amewataka baba na mama lishe wote kutoka shule za awali, msingi na sekondari kuzingatia usafi katika uandaaji wa lishe bora shuleni.

Bi. Theresia ameyasema hayo leo Septemba 07, 2023 wakati wa mafunzo ya kuwajengea uwezo Maafisa Elimu Kata, Baba na Mama lishe wa shule za awali, Msingi na Sekondari katika kituo cha elimu ya watu wazima CORDOBA Kata ya Hananasifu.

Mafunzo hayo yamewahusisha baba na mama lishe wa shule za awali na msingi 82 na shule 34 za Sekondari zote za Serikali kutoka Kata zote 20 za Wilaya ya Kinondoni.