MAANDALIZI YA KORIDO ZA KIJANI MANISPAA YA KINONDONI

Tarehe iliyowekwa: February 13th, 2024

Wataalamu wa Mazingira kutoka Manispaa ya Kinondoni kwa kushirikiana na Taasisi ya WISE  FOUNDATION ambao ni wadau wa manzingira wa Manispaa hiyo, Februari 13, 2024 wamekagua eneo la Barabara ambalo lipo kwenye Mpango ujulikanao kama "Korido za Kijani".

Korido za Kijani ni mpango wa upandaji Miti ya kivuli na Matunda, utengenezaji wa Bustani na viwekea taka maeneo ya Manispaa ya Kinondoni ili kuhakikisha Kinondoni inakuwa ya kijani na kupendeza. Mpango huo utazinduliwa rasmi siku ya Jumamosi Februari 17, 2024 ambapo siku hiyo jumla ya Miti 800 itapandwa kwenye barabara ya Njota njema yenye urefu wa mita 1350 iliyopo Kunduchi. Katika mpango huo mgeni rasmi anatarajiwa kuwa Mkuu wa Wilaya ya Kinondoni Mheshimiwa Saad Mtambule.